عضو شوید
عضویت سریع
آمار
وب سایت:
آمار مطالب
آمار بازدید
دۆڕاندنی یانه‌ی به‌رشه‌لۆنه به‌رامبه‌ر به‌یانه‌ی ئه‌نته‌ر میلان له میانه‌ی یاریه‌کانی چامپیۆن لیگدا ئه‌و دۆڕاندنه بووه‌ته جێگه‌ی لێدوان و سه‌رنج ڕاکێشانی زۆرێك له شاره‌زایان و ڕۆژنامه وه‌رزشیه‌کان، چی هۆیه‌ك له پشت دۆڕاندنه گه‌وره‌یه‌ی یانه‌ی به‌رشه‌لۆنه‌یه ؟ که بۆیه‌که‌مینجار له‌م وه‌رزه‌دا به‌و ئه‌نجامه قورسه بدۆڕێت.
هه‌ندێك پێیان وایه هۆیه‌که‌ی باشی یاریزانه‌کانی ئه‌نته‌ر میلان و هه‌ندێكیش هۆیه‌که‌ی ده‌گێرنه‌وه بۆ بۆ هیلاکی یاریزانه‌کانی یانه‌ی به‌رشلۆنه به‌هۆی سه‌فه‌رکردنێکی درێژ به پاس بۆ میلان و هه‌ندێکیش هۆیه‌که‌ی ده‌گێرنه‌وه بۆ خوێندنه‌وه ووردی جۆسۆ مۆرینۆی ڕاهینه‌ری یانه‌ی ئه‌نته‌ر میلان بۆ یانه‌ی به‌رشه‌لۆنه وه هه‌ندێکیش هۆیه‌که به شتی تره‌وه ده‌به‌سنه‌وه به‌ڵام رۆژنامه‌ی مارکا به‌شێوه‌یه‌کی بیرکاریانه‌وه ئه‌ندازیاری وورد ڕوونکردنه‌وه‌یه‌کی داوه.
به پێی لێکۆڵینه‌وه‌یه‌کی ووردی رۆژنامه‌ی مارکا یاریزانانی یانه‌ی به‌رشه‌لۆنه نه‌یانتوانیوه ئه‌رکه‌کانی خۆیان جێبه‌جێ بکه‌ن که‌له‌لایه‌ن ڕاهینه‌ری یانه‌ی به‌رشه‌لۆنه پێپ گواردیۆلاوه پێیان ڕاسپێراوه.
به پێی وورده‌کاریه‌که‌ی مارکا یاریزانه‌کانی به‌رشه‌لۆنه نزیکه‌ی 10 کیلۆ مه‌تر که‌متر له یاری یانه‌که‌یان به‌رامبه‌ر ئه‌رسیناڵ ئه‌نجامیان دابوو که‌متر ڕایان کردووه . له‌کاتێکدا له یاری یانه‌ی به‌رشه‌لۆنه به‌رامبه‌ر یانه‌ی ئه‌نته‌ر میلان 104.11 کیلۆمه‌تر ڕاین کردووه به‌ڵام له یاری یانه‌که به‌رامبه‌ر به یانه‌ی ئه‌رسیناڵ له هه‌مان پاڵه‌وانێتیدا 113.91 کیلۆمه‌تر ڕاین کردووه.
مارکا هۆی دۆڕاندنه‌که بۆ که‌می جوله‌ی یاریزانه‌کانی به‌رشه‌لۆنه ده‌گێڕێته‌وه که نه‌یان توانیوه بگه‌نه ئاستی پێویست و یاریگا داگیر بکه‌ن وه‌کو پیشه‌ی هه‌میشه‌یی خۆیان .
پێنج یاریزانی به‌رشه‌لۆنه له یاریه‌که‌ی ئه‌نته‌ر میلاندا که‌متر له یاری یانه‌که‌یان به‌رامبه‌ر ئه‌رسیناڵ جوله‌یان کردووه که به‌م شێوه‌یه‌یه:
دانێڵ ئه‌لفیس : -1.11 کیلۆ مه‌تر
بۆسکێت : – 1.64 کیلۆ مه‌تر
زابی : – 1.24 کیلۆمه‌تر
پێدرۆ : – 1.36 کیلۆ مه‌تر
ئیبراهیمۆفیچ : – 1.87 کیلۆ مه‌تر
له لایه‌کی تره‌وه له لێدوانێکیدا پێپ گواردیولا ووتی ” ئێمه نه‌مان توانی وه‌کو پێویست له ناویاریگادا ڕابکه‌ین ئه‌مه‌ش به‌هۆی به‌رگری هێڵی به‌رگری و یاریزانانی هێڵی ناوه‌ندی یانه‌ی ئه‌نته‌ر میلانه‌وه بوو “.
